Wednesday, October 31, 2012

BEYOND BELIEF



Read More

Tuesday, October 30, 2012

මදක් සිතන්න



මෙතන සිටම කියවන්න.

මදක් සිතන්න. විලාසිතාවට ඉඩ දෙන්න. ඔයාලා බලයි ඇයි මම බාගෙට ඇඟ පෙන්නනවට කැමති කියලා. ඇත්තටම කීවොත් මම එහි වරදක් දකින්නේ නෑ. අපි සිතෙන දේ කරන්න අපිට නිදහසක් ඇත. ඒ නිදහසම කාන්තාවටද ඇත.

මොක්ද මේ කෙහෙල්මල් විලිවත. අපි පරණ ඇයෝ ඒ කාලේ ඔය ඇදුම් නැතිවම ජීවත් උනේ. ශරිරයේ ආරක්ෂාවට(මදුරුවන් වැනි සතුන්ගෙන් බේරීමට. සීතලෙන් බේරීමට) කොළ අතු අඳගෙන ආපු ගමන දැන් ඉතින් ඔන් රෙදිත් අදින්නේ(විලිවත වසා ගන්න කියලා). ඒ මදිවට ඔන් දැන් දැන්(දැන් කිවට ටිකක් පරණයි) පලාපු රෙදි ඒ මදිවට කොටට ඇදුම් අදින්නේ.

මිණිසුන් ලඟ තිබෙන ගතියක් තමයි කුතුහලය. අනේ අප්පා අපේ ඇයෝ ඔන් ඔය රෙදි ඇඳලා විලි වහගෙන මොකද්ද හංගා ගන්න. අනේ මේ කුතුහලය තියෙන මිණිසා ආසාවෙන් බලනවා මේ හංගගෙන ඉන්නේ මොනවද කියලා. මොනවා කරන්නද මිණිසාගෙ හැටි ඔහොම තමයි. උගෙ වැඩේ හැංගිලා තියෙන රහස් හොයන එකයි. ඒකනේ මිණිස්සු මේ තරම් දියුණු උනේ.

මොකද්ද මේ සංස්කෘතිය. රෙද්දෙන් විලි වසා ගත්ත හැදිච්ච සංකෘතියක් අති රට. අනේ මන්දා. ඔය කිවාට මොක ඉස්සර මිණිහා රෑ වෙලා එද්දි අළු කුල්ලක් මිණිහගෙ ඇඟට හලන්න අපේ බිරින්දලා හොඳට දන්නවා. ලස්සන ලස්සන පරණ කතා අහද්දි මට හිතෙනවා වෙලාවකට මේ රටේ ඔය කියන හැදිච්ච සංස්කෘතිය කොහෙද තියෙන්නේ කියලා. නැත්නම් ඉතින් අපේ අප්ලාගෙ වැඩ බලන් බැරිය ඔයා පරණ අයගෙන්ම අහලා.

ඔය කොහොම කෙසේ කීවත් රෙද්ද අදින්නේ විලි වසා ගන්නනේ. සංස්කෘතිය රැක ගන්න එකත් හොඳයි. යම් සමාජයකට යම් පිරිසකට යම් රටකට යම් ජන පිරිසකට හොඳ යැයි හැඟෙන දේ තවත් අයට නරක් ලෙස දකින්න පුලුවන්. එසේම නරක යැයි හැඟෙන දේ හොඳ යැයි හැගෙන්න පුලුවන්. රෙද්ද බාගෙට ඇන්දට මොකද වෙන්නේ. අපි හිතන විදිහටයි ඒක හොඳ හෝ නරක ලෙස පෙන්නේ.

අනේ මගෙ රත්තරං යාළුවනේ බටහිර සංකර පුරුදු කියලා බටහිර දේ ප්‍රතිෂ්ශේප කරන ඔහෙලා ඇයිද බටහිර දේ නැතුව ජීවත් වෙන්නේ නැත්තේ. බටහිර ජංගි කොට ගවුම් කොට අදින්න එපා. අනේ. අදින්නකෝ ඔයා අපේ සරම බැනියම රෙද්ද හැට්ටේ. ඇයි බැරි අදින්න. බටහිර ඇදුම් ඇඳගෙන බටහිර කුමයට කොටට පලාපුවා අදින එක විවෙචනය කරන්න ලැජ්ජා නැද්ද? බටහිර කුමයට අදිනවානම් බටහිර රටවල් වල ඇති මොන විලාසිතාවත් වැරදි නෑ. හැබැයි පුතේ අපේ රටේ ක්‍රමේට අදින්න ගිහිල්ලා ඔන් දැදුමඇඟ පේන්න ඇන්දොත් වැරදියි.

කාන්තාවනි අදින ඇඳුම කුමද්ද යන්න තීරණය කීරිම ඔබ සතු වේ. ඔබ කොටට හො පලපු ඇදුම් ඇන්දොත් ඒ දෙස අරි අමුතු විදිහට පිරිමි බැලුවොත් අන්න එතන අපෙ මහ ලොක සංස්කෘතිය ගැන සිතන්න යමක් තියෙනවා. බුදු දහමින් පොෂණය වු දැහැමින් දිවි ගෙවු සමාජයක්(මවා පෙන්වූ) ඇති රටක මිණිසුන්ගෙ හිත් ඇයි මේ තරම් කාමුක වූයේ. කො බුදු බණ. කෝ හැදියාව. මල විකාර. ඇයි සිත් මෙතරම් කාමුක. සිතන්න.

අපි අදින විලාසිතාව නොව වැදගත් වෙන්නේ. අපි සිතන ආකාරයයි වැදගත් වෙන්නේ. ගැහැනියකගෙ ඇඟෙ පුංචි තැනක් දැක්කොත් (සුද්ද සිංහලෙන් කියනවා නම් මොල් වෙන) කාමුක හැගීම් ඇති වෙනවානම් ඔය තරම්, ඇයි අපට බැරි උනේ අපේ සිත දමනය කර ගන්න. හිතන්න මගේ මගේ බුදු රත්තරං අම්මේ තාත්තේඅයියේ අක්කේ මල්ලියේ නංගියේ හාමුදුරුවනේ මේ නම් දුක් වෙන්න ඕන කරුනක්.

මෙවන් හැදියක් තියෙනවා කියන සමාජයක, හොඳ සංස්කෘතියක් තියෙනවා කියන සමාජයක, බුදු දහමින් පෝෂණය වුන සමාජයක ඇයි අපට බැරි උනේ මිණිස් සිත හදන්න. වැරද ඇත්තේ කොතනද? සිතන්න. බුදු දහම කෝ හාමුදුරුවරු පිස්සු නටනවා. ගුරුවරු කෝ ස්ටයික් දලා පඩි ඉල්ලනවා, දෙමාපියෝ කො ජොබ් අස්සේ හොර ලව් අස්සේ, සමාජයෙ වක කිව යුත්තො කෝ ඒ අය කැපි පෙන්න පොර බදනාවා. සමාජය වෙනස් වෙලා. හැකිද අපිට මේ චංචල මිණිස් සිත හදන්න. හැකි දේ කුමක්ද?

වැරදුනේ කෙතැනද? කාටවත් බනින්න එපා. සිතන්න. නැවත මේ නවීන යුගයෙන් පැනලා පෙර හැදියවක් තිබ්බයි කියන යුගයට යා හැකිද? නැත අපිට කල හැක්කේ වර්ථමානයත් එක්ක ජීවත් වී අපේ ජීවිත යහපත් දේට හැඩ ගස්සවා ගන්න එක. මුදල් පසු පස යන සමාජයක හැදියාව බලාපොරොත්තු වන්න එපා. හැදියවක් නැති සමාජයක පැවැත්ම ගැන සහතික වෙන්න එපා. අපි කවුරු හො කෙනෙක් හොඳ කෙනෙක් විදිහට නිර්මාණය කළ හැකි නම් එය කරන්න. හැබැයි බැඩිපුර සිදු වන දේ (නරක උනත්) ඉඩ දෙන්න. කල හැක්කේ පුංචි හෝ සිතක් යහපත් මගට ගැනීම පමණි. එය කල හැකි නම් යහපති.

මා ඕන දෙයක් විවෙචනය කිරීමට පසු බය නොවෙමි. කියන දේ කෙලින්ම කියමි. අංගන්න දෙයක් නැත. සමහර විට මා මෙසේ කියන විට දේශාභිමානයෙන් පෙලෙන පුහු ජාතිවාදින්ගෙ හිත් රිදෙන්නත් පුලුවනි. ඉගෙන ගන්න http://www1.kalaya.org/ පාට පාට ලොකේ කාන්තාව වෙළඳ භාන්ඩයක් වීමත් පුදුමක්ද?
                මෙහි http://manasindiviyata.blogspot.com/2012/10/blog-post_15.html සඳහන් මගේ  දකින්නකියන ලිපියට ලැබුණු එක්තරා ප්‍රතිචාරය කි,  ඔය උඩින් තියෙන්නේ. මෙම ප්‍රතිචාරය ලබා දි ඇත්තේ මගේ හොඳ බ්ලෝග් මිතුරෙකු ය. මා නැවත එම ප්‍රතිචාරය සහ මගේ නව අදහස්  ඔබේ සංවාදයට යොමු කරමි.මොහු විසින් සඳහන් කරන මෙම කරුණු දෙස බැලු විට මගේ සිතුවිලි තව බොහෝ ඉසව් කරා ගෙන යමි.ඔබත් සමඟ කිසිම අමනාපයකින්වත් අවේගයකින්වත් නෙමෙයි  මෙය පවසන්නේ.
මුලින්ම මම ඔබෙන් මෙසේ අසමි.
ඔබ කැමතිද ඔබේ සහෝදරිය,පෙම්වතිය,මව මෙවන් ඇදුම් ආයිත්තාම් පැලඳ ඔබත් සමඟ එක මඟ යාමේදි කෙනෙකුගේ ඔබ කියන මොල් බැල්මට ඇය නතු ‍වෙනවාට.?
    මෙවැනි මතවල සිටින වෙළඳ දැන්විම් සහ රූප රචන නිශ්පාදකයින්, අධ්‍යක්ෂවරුන් ගේද ආකල්ප වෙනස් කර ගන්නේ නම් ඔබ කියන කවුරුන් හෝ යහපත් කෙනෙකු නිර්මාණය කිරීමට හැකිය.යහපත් ස්වාමී පුරුෂයෙකු හෝ පෙම්වතෙකු කිසිම දවසක කැමති වන්නේද? තමන්ගේ බිරිඳවත් පෙම්වතියවත් ඇඟ පසඟ පෙන්වන තරුණ සිත් ඔද්දල් කරන උපහාසයට බඳුන් වන මෙවැනි ආයිත්තම් වලින් විලි වසා ගන්නවාට.එවැනි ඇදුම් වලින් තම දේහය වසා ගැනිම පිළිබඳව සැමියාගේ හෝ පෙම්වතාගේ අමනාපයක් නැතිනම් ඔහු කරන්නේ ඇයත් සමඟ ගනුදෙනුවකි.
    පිරිමින් ගැහැණිය පරික්ෂාවට බඳුන් කරන අවස්ථා තිබේ.කිසියම් පෙම්වතෙකු කථා කළ පමණින් ඔහුත් සමඟ තානායම් ලැඟුම්හලක් වෙත යනවා නම්, ඔහුගේ සිතේ ඇය පිළිබඳව පළමු ඇපැහැදිමට මඟ එය වන බව සත්‍යයකි. ඔහු සිතනවා මාත් සමඟ වගේම තව කෙනෙකු සමඟ ඇය මේසේ යාමට පසුබට නොවන බව’.එහෙත් ඇත්තටම ඇය ඔහුට තිබෙන ආදරයට ඔහුත් සමඟ ගියත්, පිරිමි සිත එසේ නොසිතයි.ගැහැණියගේ පිරිසිදුකම ඔය මහලොකු කථා කියන සමහරක් අය යටි සිතින් බලාපොරොත්තු වෙන දෙයකි.බටහිර පන්නයට හිතන බෝහෝ පිරිස් ඇයි යම් තැනකදී ගැහැණිය පරික්ෂාවට ලක් කරන්නේ?එතකොට නම් ඔය අපහස කරන සංස්කෘතියටත් එහෙමත් නැතිනම් පැරණි යුගයටත් යන්නේ තමන්වත් නොදැනිමෙන් ය. එවිට ඔය කියන  බටහිර පන්නයට හිතන්න අමතක වෙනවා.
    ස්වයං වාරණයක් හැම කෙනා තුලම තිබිය යුතුය. එහෙම නැතිව ඔය කියන එකෙකුවත් හෙට උපදින පුතා හෝ දුවවත් මේ සංකර සමාජය තුල ගුණ ඇත්තෙකු    ලෙස නිර්මාණය කිරීමට දෙමාපියන්ට අවස්ථාවක් උදා නොවනු ඇත. ඔබ කාන්තාව ආරක්ෂා නොක‍රනවා නම් අනාගතයෙදී  සැමියෙකුට හිමි වන්නේ  බිරිඳක් වෙනුවට මොස්තර නිරූපිකාවක් ය. තවද ඇයගේ පසුපස තම ස්වාමියාට යාමට සිදුවෙයි, ඇයගේ රූපලාවන්‍ය උපකරණ ඇසුරුම අතැතිව. පවුල් ජිවිතයක් ගත කරනවා වෙනුවට බොහෝ  විපිරියාස දැක සන්තාප විමට  සිදුවෙයි.
    ඕනම දෙයක දෙපැත්තක් ඇත.ඇයි අප ඒ හොඳ පැත්ත පමණක් ලබා නොගන්නේ. මිහිපිට අපි ජිවත් විමෙදී අපේ යහ පැවැත්ම සහ ඵලදායිතාවයක් උදෙසා  යම් යම් වාරණ අපි විසින්ම ආතීතයේ පැළඳගෙන ඇත. එම වාරණ තුලින් පිරිමියාට වඩා ගැහැණිය බැඳ ඇත්තේ ඇයව ආරක්ෂා කර ගැනිමේ පරමාර්ථයෙන් යැයි මට හැ‍ඟෙ. ඔය වාරණයට නොවැ සංස්කෘතිය කියලා අපි කියන්නේ.
    මගේ මිත්‍රයා සඳහන් කරන පරිදි සිතන ආකාරය අපි වෙනස් කර ගන්න නම්   දකින දසුන වෙනස් විය යුතු නොවේද?අපේ සමහරක් පිරිමි මෙහෙමත් හිතනවා. තමන්ගේ අම්මා විතරයි අම්මා,තමන්ගේ සහෝදරිය විතරයි සහෝදරිය,තමන්ගේ පෙම්වතිය විතරයි පෙම්වතිය.අනෙකුත් සියළුම ගැහැණුන් නිරුවතින් පාරේ ගියත් ඔවුන්ට තැකිමක් නැත.මේ කාන්තා අඩ නිරුවත මුදලට ගන්නා මහත්වරුන්ගේ නොනාවරුන් මෙහෙම වෙළඳ භාණ්ඩ කරයිද?
    නිම් වළලු නැති සිමා රහිත බටහිර අංගයන් සියල්ල අප ගත යුතුද?මෙහෙමවත් මේ සමාජයේ පාරේ බැහැලා යන්න පුළුවන් කමක් තියෙන්නේ ඔය කියන වාරණය අපි පැළඳ සිටින නිසා නොවේද?
    http://www.teledrama.info/samudra/05.htm
http://www.zimbio.com/Sri+Lankan+Celebrities/articles/nXQEnK9ah2E/Rochelle+Adriana+Corera+Miss+Sri+Lanka+2008
(ඕස්ට්‍රේලියාවේ අගමැතිණිය වන JULIA GILLARD ගේ සිදුවිම ගැන මොහොතක් හිතන්න.නොගැළපෙන දැ පැළදීම නිසා මුහුණ පෑමට සිදු වන අපහසුතාව. ඇය පසුව මධ්‍යයට පැවසුවේ එය සාමාන්‍ය සිදුවිමක් ලෙසය.ඇයට සිදු වු අපහසුතාවය සඟවා ගැනිමට එසේ ප්‍රකාශ කරන්න ඇති.මේ තුලින් යමක් ඉගෙන ගැනිමට හැකිය.)නොසිතු මොහොතක මෙවැනි කරදරයකට මුහුණ පෑමට සිදු විම පිළිබඳව උපහාසයට බඳුන් කිරිමක් නොවන වඟ මතක් කරමි.
ගැහැණුන් වෙනස් නොවන තාක් කල් පිරිමින්ගේ නොසන්සුන් වන අසංවර හැඟිම් නැති කිරිමට නොහැකි බවයි මගේ මතය නම්.

-ජිඑම්-
       
Read More

Wednesday, October 24, 2012

යාවත්කාලීන කළ නවොද් මල්ලී‍ගේ පෙම් හසුන


අන්දොලාත්මක පෙම් හසුන මා සිහිනයෙන් විචාරය කළ අපුරුව


ඔබ මේ සාමාජය නව සුභවාදී සිතුවිල්ලක තැබුවාදෝ....!

සාමාජය තුල අද වැඩි වශයෙන් දෝෂදර්ශණයට ලක්වන්නේ තරුණ කොටසයි. ජරාවටත් අගතියටත් පත්ව ඇති මිනිස් ගති නැවත පූනර්ජිව කිරීමේ හැකියාවද ඔවුන් සතු වේ.එයට කදිම මඟක් විවර කරන්නට පාසල් සිසුවෙකු අද සමත් වි ඇත. මෙහි නිදන් කථාව ඔබ දන්වා ඇතැයි මම සිතමි. විදුහල්පතිගේ තීරණය පිළිබඳ නොයෙකුත් මත විචාර ඇත. හැමදාමත් අපේ රටේ සිදුවන බොහෝ විපත් සහ අසුභවාදී සිදුවිම් සහ ගන්නා තීරණද අසුභවාදි නිසාවෙන් රට වැසියාන්ගේ බහුතරයද සිදුවන සෑම සිදුවිමක් දෙසම වපර ඇසකින් දැකීම පුරුද්දකී.
දින දින නවීකරණය වන අපි, මවා ගත් කාර්‍යබහුලත්වයක හිර වී ජිවිතයේ වැදගත් මරමස්ථාන Short massage system කට අනුකුලව හැඩ ගසාගෙන ඇත.
ආලයද එවන් එක් මරමස්ථානයකි. කෙටි පණීවිඩයකින් ඇරඹේන වර්ථමාන ආලය එහි රසයද කෙටිම මර්ගයකින් කෙටිම ස්ථායකදි (තානායම් කාමාරයක) අහවර කොරන්නේය.අවසානයේ නාදුන මළසිරුරක් ලෙස තම පවුලේ උදවියටවත් හඳුනා ගැනිමට අපහසු වන පරිදි ජිවිතයේ තව බොහෝ දුර යන්න තිබියදි කෙටි පණිවිඩයක් මෙන් ජිවිතයට තිත තබයි.
එවන් යුගයක නවෝද් මල්ලීගේ පෙම් හසුන අපට බොහෝ පාඩම් ජිවිතයට කියා දී ඇත.
උපන් දින සහ වෙනත් සුභ පැතුම් පණිවිඩද අද විගසින් මැකි යන පැතුමකි.ගමේ තැපල් මාමාද අද රැගෙන එන්නේ බිල්පත් පමණි.
පෙම් හසුනක් අකුරු කරන්නේ තම අත්අකුරින්ය.බොහෝ දුරට එහි ලියවෙන්නේ හඳ තුල තිබෙන අවංකත්වයි.ලබන්නා මෙන්ම යවන්නාද තෘප්තිමත් වන්නේ එහි ඇමිණිලා තිබෙන ආලංකාර  වචන ටිකටය.   
    මෙම ගීතය හරහා තරුණ මනස සුභවාදී දිශාවකට රැගෙන යාමට හැකිය.ගීතය ඉතාමත් සරලයි.සරල වුවත් එහි ගැබ්ව තිබෙන අරුත සහ තේමාව පිරිසිදුයි.
මං ආසයි හිනාවෙන්න
ජිවිතයම නුඹත් එක්ක
නොවරදවා නුඹ එනවිට
සිනා මලක් අරන් එන්න

මේ පද ටිකේම තියෙනවා අවංක කම,බලාපොරොත්තුව,අහිංසක පැතුමක්.නැත එහි කිසි විට සුරංඟනා සිහිනවත් අන්දෝනාවක්වත්.   

මං ආසයි යාළු වෙන්න
ජිවිතයම නුඹත් එක්ක
නොවරදවා නුඹ එනවිට
ලෙන්ගතු කම අරන් එන්න

ලෙන්ගතු කම මේ අපේ කම නොවේද?

මං ආසයි නුඹත් එක්ක
ස්නේහයේ සුව විදින්න
අද ඇවිදින් නුඹ යනවිට
තුටු කඳුලක් තබා යන්න

ස්නේහයේ සුව,තුටු කදුළු මෙ වචන දකින විටත් රාගියක් සිතුවිලි වෙනුවට නිවුණු සිතුවිලි උපදීයි.යන විට සතුට කදුලක්  මිස මිරිඟුවක් පසු පස නෙමෙයි නුඹ එන්නේ.

තානායමක කාමරක් තුල සිදු වන නස්පැත්තියෙන් පසුව  සලන කඳුළු වගේ විනාශ වු කඳුලක් නෙමෙයි මේ කොල්ලවත් කෙල්ලවත් සලන්නේ.

අද අපේ කණට ඇසෙන සිංදු වලට වඩා කෙතරම් සෙනෙහසක්,ලෙන්ගතුකමක්, පැතුමක් මේහි අන්තර්ගත වී ඇත්ද.

අවේගත්මක බවක් නැති බොහෝ සන්සුන් බවක් ඇතිව විඳින්න පුළුවන් රසයක් මෙහි ඇතැයි මට සිතේ.

          අනාගතය සුභවාදී නොවේද? අපේ තරුණ සිත තුල මෙවැනි සිතුවිලි ඇති වුවහොත් විරහාව හට ගත් විටදි පවා  බොහෝ  සාමකාමි වේවි නේද?එවිට එක තැන මිය යන්න අවශ්‍ය වන්නේද නැත.

ගජමන් නෝනා අමරදේව  මාස්ටර්, නන්දා මාලනී යුගයකට අපට ආපසු යා හැකිය. ප්‍රේමසිරි කේමදාසයන් වැනි යුග පුරුෂයන් නැවත බිහි විය හැකිය.
                  
          විචාරය අවසන් කරනවාත් සමඟ ළීහිණි සහ හිරු ඇවිදින් දෙසුවේ නැතැයි මට.මම බය වි  පියවි සිහියට පැමිණෙන ලදි. 

-ජිඑම්-



Read More
Related Posts Plugin for WordPress, Blogger...