නිදහස් අධ්‍යාපනය

ඇඳුරුතුමණී

අප කිසිවෙකුත් ලොකයේ ස්ථිර වුවන් නොවේ.සංසාර භව චක්‍රයේ ගමන් ගන්නා අප මොහොතකට නතර වී ගිමන් හරිනා අම්බලමක් වැනි ජිවිතය අර්ථවත්ව නිම කර, නික්ම යාම මේ සෑම දේයටම වඩා වැදගත් බව මදක් සිතුවාද?

    

ඈත ඉතිහසයේ සිට අප මෘතු භුමිය තුල දෙමාපියන්ගෙන් පසු වැදුම් පිදු ලැබු කොටස බවට පත්විමට ගුරුවරයා සමත් විය. එහෙත් වර්ථමානයේ අධ්‍යාපනය තුල සිදු වි ඇති ‍ඛේදවාචකය මේ මහපොළව තුරුල තුල සැතපෙන ආතීත ඇඳුරුතුමා දැක කඳුළු සලනවා ඇති. ආතීතයේ  මහත් ඕනෑ කමකින් ඒ උතුම් කරුණ උදෙසා ඔවුන් තම අරමුණ කර ගත්තේ අධ්‍යාපනය ලබන ශිෂ්‍යාගේ සිහිනයය.  

          එහෙත් අපි මේ තරම් උජාරුවෙන් කථා කරන ගෝලීයකරණයත් සමඟ අපි තුල තිබු මනු දම් අද වන විට මිහිදන් වි ඇත.

වර්ථමානයේ ඇඳුරු පිරිස අරගල කරන ඉල්ලිම් පිළිබඳව මම කිසිවක් කථා නොකරමි.එහෙත් උගත් බුද්ධිමත් මොවුන්ට ගන්න පුළුවන් සාධාරණම යුක්ති ගරුක තීරණයද අද අරගෙන තිබෙන්නේ?

යන ප්‍රශ්ණයක් මම ඔවුන්ගෙන් අසමි.

ඉතාමත් සංවේදිව මම මෙම සිතුවිලි අකුරු කරමී.අපි හැමදාමත් ජිවත් විමට පැමිණි පිරිසක් නොවේයි.මහ පොළව තුළ අපි ණය ගෙවිමට පැමිණි තාවකාලීක පිරිසක් මිස අයිතිකරුවෝ නොවෙති.ඒ ණය ගෙවි අවසන් වු පසු අපි ආ පසු යා යුතුව තිබේ.එය ඔබටත් මටත් වලකාලිය හැකිද?

හෙට උපදින අපේ ලේ තුල ඇති කිරීමට උවමනා උතුම් පරාර්ථකාමි අභිමාණය සහ යහපතත් මිස මමත්වය පෙරටු වු සටන්කාමි නිමා නොවන ආශාවන් ගොඩක් නොවේයි.

දේශාප්‍රේමි ජනතා නියෝජිතයනි, උතුම් සේවයක් උරුම ඇඳුරුතුමණි, ඔබ සැමගෙ අරමුණ ඔබේ දරුවා විය යුතුයි.ඔබ ඔය තරම් අරගල කරන්නේ ඔවුන් වෙනුවෙන් නොවේද? ඔබ ඔබේ දරුවාගේ අනාගතය සුපිරි කරන්න උත්සහා කරද්දි තවත් පිරිසක් ඔවුන්ගේ දරුවන් මේ රටේ යහපත් පුරවැසියෙකු ලෙස සමාජගත කිරීමට උත්සහා දරයි.

මනුෂ්‍යකම් වලින් පෝෂිත එහෙත් මුදලින් දුප්පත් මගේ දෙරණෙ අහිංසක දෙමාපියන්ගේ දරුවා වැඩි දුර අධ්‍යාපනය සඳහා විදේශිය රටක අධ්‍යාපනය ලබා ගැනිම සිහිනයකි.

නිදහස් අධ්‍යාපන ඔවුන්ගේ අයිතියකි. ඔබ දේපාර්ශවයම එම අයිතියයට කරන්නේ කුඩම්මගේ සැළකිලි බව මගේ මතය වේ.  

-ජිඑම්-