හිනා වෙයන් කළු හිනා වෙයන්.....!

වක්කඩ ලඟ....................

         කෙනෙකුට කලාතුරකින් පිහිටන පිහිටිමකි ඔබට පිහිටා තිබුණේ. මහගමසේකරයන් ගේ කලා හිත, කලා දෑත, කලා ඇස, කලා හඳ ඒ බව මනාව පිළිඹිබු කර අවසන් ය.

        එතුමා ගේ අතින් කුරුටු ගෑ මෙම ගීතය විවාහ වු අයට මහත් අදර්ශයක් ගෙන එන්න කී. අද සාමාජයට ගැළපෙන ආකාරයට මනාවට පෙළ ගස්වා ඇත. මහත් පෞර්ෂමය හඬක් හිමි අමරදේව මාස්ටර් විසින් පණ පොවා ඇත.

           

          දඹර වු ඇය තුන් දවසක් යන තෙක් ඔහුත් සමඟ අමනාපයෙ න් පසු වි ඇත. බත් මුට්ටිය ඉ‍‍ඳෙන කම් කිව්වට මොකද දවස් තුනක් යන තෙක් ම මේ අමනාපය අරගෙන ගියා. ඔහු ත් ඉවසන්න බැරිම තැන ඇය දෙස බලන්න ඕන කියලා හිතාගෙන ආලීන්දයට වි සිටින අතර, මෙන්න ඇය එනවා කුස්සීයේ සිට. ඒ එන ගමන් ඇය දකිනවා ඔහු ආලීන්දයේ කොනක ඉන්නවා. ඒ සමඟ ඇයටත් සිතුවිල්ලක් පහළ වෙනවා ඔහු දෙස හෙරෙන් බලන්න ඕන කියලා. දෙදෙනාම දෙදෙනාට ම නොදැනි ඇස් දෙස බලන්න සිතුවිල්ල සිත තබාගෙන ඉදිරියට එනවා. දෙන්නා දෙපැත්තට මාරු වි යන විට ආ පසු  හැරිලා එකම මොහොතේ බලද්දී දෙදෙනාගේ ම නෙතට නෙත ගැටිනි. ඒ මොහොතේ ම ඇය ගේ මුහුණ අඳුරු විය. අඳුරු උනාට මොකද කසාද බැන්ද දවසෙවත් නොදැකපු නිල් වන් දැස් දෙකක් ඔහු ඒ මොහොතේ දුටුවා.අඳුර අතරින් ප්‍රභාස්වර බවක් ඔහු දකිනවා.ඔහුට සිනහා යනවා ත් සමඟ ඇය ඔහුව පැනලා තුරුළු කර ගන්නවා.මේ සුන්දර දසුන දකින පොඩි ඒකා අත්පොඩි ගගහා උඩ පනිනවා.

         ගඟක් ගලන්නේ මහ සයුරට. විවාහය කියන එක ගලන්නේ මරණය දක්වා. අපි දෙන්නගෙන් කවුරු මැරුණත් විවාහය එතනින් ඉවරයි. හැබැයි ගඟ  ගලන කම් ගං දැලේ දෙපැත්ත සරුසාර කරමින් ගඟ බහින්නේ. ඇළ දොළ කෙත් වතු සරුසාර කරනවා. ලොකයට ජිවය ආහාර දෙනවා. ගඟ මුහුද සිප ගත්තත් ලොකු දෙයක් ඒ වෙන කොට ගඟ කරලා ඉවරයි. අපි මරණින් සමුගෙන යන දවස වෙන කොට අපි දෙන්නගේ දෙපැත්තේ ඉන්න නැදැයින් සන්තෝෂ කරන්න පුළුවන් නම්, ගඟ මැද්දෙන් දිය පාර සෞන්දර්යාත්මකව ගලනවා වගේ අපි දෙන්නා මැද්දේ ඉන්න මේ කොලු පැටියගේ අනාගතය සරුසාර කරන්න පුළුවන් නම්, අපි දෙන්නා හෙට මැරුණත් කම් නැත. ඒ නිසා විවාහයේ තිබෙන යුතුකම් ඉටු කරලා විවාහයේ තියෙන අනන්ත යුතුකම ලොකයට පුජා කරලා දෙපැත්තේ ඉන්න හතරවරිගේට සතුටු වෙන්න ඉඩ තියලා අපි සමුගෙන යමු හමිනේ කියලා ඔහු ඇයව තුරුළු කරගෙන කියනවා.

යා දෙක නොරත රත සමඟ පැහිමක් නැත.

නිසි අවබෝධයක් ඇතිව සර්ථක දිවි පෙවෙතක් ගත කිරීමට විවාහ වි සිටින සියළු ම දෙනාට මඟ එළි වේවා! යහපත් දිවි පෙවෙත ශක්තිමත් වේවා!